"Engineering ki degree hath me ho, but aapka passion aur aapka interest kahi aur ho ..."
Yahi tha Siddhesh ka dilemma.
Siddhesh ne apni Electronic Engineering to complete kar li, lekin jaldi hi samajh gaye ki unka asli passion circuits aur coding mein nahi, balki art mein hai. Ek din social media scroll karte hue unhone Aliens Tattoo ka ek ad dekha aur turant samajh gaye ki yehi unki calling hai.
"Us ad ne mere andar ek spark jagaya," Siddhesh yaad karte hain, "Mujhe turant samajh aaya ki yehi mera raasta hai."
Siddhesh ne Aliens School of Tattoo Art ke 3 months Complete Course mein admission liya. Sketching mein professional hone ke bawajood, unke liye sabse bada challenge tha apne art ko paper se skin tak le jana. Aur sirf itna hi nahi!
Full-time job karte hue is course ko pura karna asaan nahi tha, phir bhi unhone is difficult path ko chuna. Har din woh subah 6 baje se dopahar 2 baje tak kaam karte, phir school pahuchte aur raat 11 baje tak mehnat karte.
"Honestly, koi rest day nahi tha, sirf ek spark tha jo mujhe mere sapne tak le ja raha tha," Siddhesh batate hain.
Unka passion aur unki family ka support unka sabse bada sahara tha. Unki maa roz subah 3 baje uth kar fresh khana banati thi taaki unka beta apna tight schedule follow kar sake.
“Shayad mujhe tabhi samajh aaya ki mere bete ka spark sirf uski kala mein hi nahi, balki uske sapne ko haqeeqat banane ke determination mein tha. Isi wajah se maine uska saath diya" unki maa kehti hain.
Challenges ke bawajood, Siddhesh ka talent samne aaya. Unke kaam ne mentors ko itna impress kiya ki usi saal Aliens Tattoo mein full-time tattoo artist ki job mil gayi. Tab se unhone India ke kai cities mein travel karke apni art ka jadu bikhera.
"Normal naukri mein aap clock in aur clock out karte ho, bina koi legacy chhode. Tattoo art mein, har piece jo aap banate ho, woh permanent hota hai, kisi ke life ka ek hissa ban jata hai," Siddhesh kehte hain.
Unke designs ne sirf tattoo lovers ko attract nahi kiya, balki unhe India ke sabse bade platforms par recognition dilaya. Heartwork Tattoo Festival, jo India ka premier tattoo convention hai, wahan 2019 mein neo-traditional category mein pehli baar compete karte hue Siddhesh ne award jeeta! Agle saal Kula Tattoo Convention mein unhone do masterpieces ke liye 1st aur 2nd position dono apne naam ki.
Sirf yahi nahi, unki dedication aur skills ne unhe ek badi financial success dilayi! Aaj Siddhesh ek leading tattoo artist hai jo 22 LPA se zyada kamate hai. Apne career ke first 5 years mein hi unhone apna ghar kharid liya! Tattooing jo sirf ek passion tha, aaj ek successful career ban chuka hai, jo traditional graduates ki earning potential se kaafi aage hai.
"Jab maine shuruat ki thi to socha bhi nahi tha ki Tilak Varma jaise celebrities ko tattoo karunga aur mere tattoos ko itne awards milenge. Lekin tattooing ne mujhe ek legacy create karne ka aur apne sapne ko jeene ka mauka diya," Siddhesh kehte hain.
Aaj Siddhesh Aliens Tattoo mein ek Senior Artist Manager hai. Projects handle karte hai, saath hi saath budding artists ko mentor bhi karte hai aur apni art ke naye dimensions bhi explore karte hai.
"Corporate world mein aap aksar kisi aur ke goals ke liye kaam karte ho. Lekin tattooing mein, aap apni success story likhte ho, jahan aapke hard work ko directlly recognition and awards se pehchaan milti hai."
"Un awards ko jeet kar mujhe ye realization hua ki meri saari mehnat rang la rahi thi," Siddhesh kehte hain, "Lekin sabse badi baat yeh thi ki iss journey ne mujhe dikhaya ki junoon aur mehnat se aap kahin bhi pahuch sakte ho."
Siddhesh ka safar ek baat prove karta hai: Success kabhi bhi chance se nahi milti. Yeh countless hours ki dedication, sacrifice aur apne work se pyaar se banti hai. Engineering se tattoo artistry ka safar yeh gawahi deta hai ki jab aap apne dil ki sunte ho, chahe raasta kitna bhi unexpected kyu na ho, aapka sapna haqeeqat ban sakta hai.
"Tattooing aapko creative freedom, apna future shape karne ka chance aur ek aisi career deti hai jahan har din alag hota hai."
Ab baari aapki hai ek decision lene ki.
Kya aap conventional path par rehna chahte ho, ya apne passion ko chase karte hue ek fulfilling aur financially rewarding career banana chahte ho?
Agar aap tattoo artistry ki taraf attract ho rahe ho, to Siddhesh ki story ko apna sign samjhiye. Aliens School of Tattoo Art aapka turning point ho sakta hai, woh jagah jahan aapka passion ek profession banega.
Aapke sapno ka career sirf ek enrollment ki doori par hai!
Comentários