Tattooing sirf ek job nahi hai, yeh art, skills aur passion ka sangam hai. Kai tattoo artists ke liye, apne art ke passion ko ek prosperous aur satisfactory career mai badalna ek sapna hota hai.
Lekin ek question jo aksar uthta hai, wo hai ki ek tattoo artist really kitna earn kar sakta hai?
Is question ka answer bahut important hai. Especially jab aap is duniya ka part banne ka soch rahe ho, ya sirf aap curious hai ki ek tattoo artist ka earning potential kitna hai?
To chaliye samajhte hai ki konse factors unki earnings ko affect krte hai aur kis tarah se woh apne art ko ek career mein badal sakte hai.
Different ways Tattoo Artists Earn
Tattoo artists ek hi source of income par dependent nahi rehte. In reality, unki kamai different sources se hoti hai. Aayiye, inke baare mein samajhte hai:
1. Charge on Hourly Basis:
Tattoo artists ka sabse common tareeka hai Hours ke hisaab se charge krna. Naye artists lower rates se shuru karte hai, jo ₹1,500 se ₹5,000 per hour ho sakta hai, unke experience aur jagah ke according. Jaise-jaise unka experience aur pehchaan badhit hai, unke hourly rate bhi badhte hai. In Big cities, established tattoo artists ₹10,000 se ₹20,000 per hour tak charge karte hai.
2. Size and Complexity Ke According:
Tattoo artists ki kamai ka ek aur tareeka size aur design ki detail ke hisaab se hota hai. Chhote aur simple tattoos, jaise ki tiny symbols ya script designs, ₹2,000 se ₹10,000 tak ke range mein ho sakte hai. Bade aur complex designs, jaise ki detailed portraits ya full sleeves, kafi mahenge hote hai kyonki isme zyada time aur intensity lagti hai. Poore tattoo ke liye ek fixed price quote kiya ja sakta hai jo size, placement aur design ke complexity ke according ₹20,000 se ₹1,00,000 ya usse zyada ho sakta hai.
3. According to Sessions:
Kai bade tattoos ko ek single sitting mein complete karna possible nahi hota. In detailed designs ko complete karne ke liye tattoo artists per session ke hisab se charge karte hai. Yeh sessions 3 se 6 ghante ya usse zyada chal sakte hai, aur har session ka cost ₹50,000 ya usse bhi zyada ho sakta hai, ye artist ke experience aur tattoo ke type par depend karta hai.
4. Tattoo Designs and Merchandise Sell Karke:
Kuch artists custom tattoo designs bech kar bhi earn karte hai. Agar client tattoos ke liye taiyaar nahi hai par design pasand karta hai, toh wo us design ko baad mein use karne ke liye khareed sakta hai. Iske alawa, kai professional tattoo artists apna branded merchandise bhi sell karte hai, jaise ki prints, t-shirts, ya aftercare products. Yeh sirf extra revenue hi nahi lata, par unke art ke around ek brand bhi banata hai.
5. Teaching and Mentorship:
Kai tattoo artists, especially jo well-established hote hai, apni art ko naye artists tak pahunchaane lagte hai. Wo workshops ya tattoo schools mai sikhate hai aur teaching and knowledge ke liye fees charge karte hai. Yeh trend badh raha hai, especially tattoo schools ke badhte craze ke sath, jahaan skilled tattoo artists apne techniques aur tricks naye tattoo artist ke sath share karte hai.
Effect of Reputation and Location
Tattoo artist ki earning sirf unki skills ke saath reputation par bhi depend karti hai. Jaise-jaise artist ki reputation badhti hai, waise-waise clients unke kaam ke liye bhi zyada pay karne ke liye taiyaar ho jaate hai. Reputation word of mouth, social media presence, competitions aur conventions mein participate lene se badhti bhi hai.
Location bhi key factor hai. Mumbai, Delhi, ya Bangalore jaise big cities mein kaam karne wale artists zyada earn karte hai kyonki wahan demand aur average person zyada earn karta hai saath hi saath high ticket clientele bhi zyada hote hai. Small Citites mai tattoo artists bhale hi kam charge karte hai, lekin wo bhi apna ek loyal client base bana sakte hai aur ek quality life spend kar sakte hai.
Tattoos and Stories Go Together
Tattooing ek aisi art hai jo emotions se bhari hoti hai. Har tattoo ke peeche ek kahani chhupi hoti hai, chaahe wo ek chhota sa meaningful symbol ho ya ek aisa artwork ho jo kisi ki life journey ko represent karta ho. Tattoo artists ke liye ye emotional connection unke clients ke sath special bond hota hai. Wo sirf paisa nahi kama rahe hote, balki logon ke liye ek permanent memory bana rahe hote hai.
Jab ek client apni kahani ko share karne ke liye artist par trust karta hai, toh yeh artist ki responsibility hai ki usko attention de. Isi wajah se kuch tattoo artists dusron se zyada earn bhi krte hai, kyon ki jitna special connection, utna hi zyada meaningful design. As a result clients artist ke sath tattoo experience mai utna hi zyada invest karte hai.
Collaboration with Celebrities and Social Media
Ek aur exciting area jo tattoo artist ki earnings ko boost karta hai, wo hai jab wo celebrities ya influencers ko tattoo karte hai. Social media is mai bada role play karta hai. Ek well-known personality ka ek post kai naye clients ko attract karta hai jo usi artist se tattoo karwana chahti hai. Celebrities ko tattoo karne wale artists premium charge karte hai, kabhi-kabhi ek single piece ke liye ₹2,00,000 ya usse zyada bhi.
Growing Global
Kai Indian tattoo artists ab Europe, US, ya Australia jaise countries ke conventions mai participate karne ya tattoo karne ya as a guest artist ja rahe hai. Yeh unhe international currencies mein earn karne ka mauka deta hai, jahaan hourly rates India se kaafi zyada hote hai.
For example, ek well-known artist agar bahar kaam kare toh wo $150 se $300 (₹12,000 se ₹24,000) per hour kama sakte hai. Full-day sessions ke liye ye rates $1,500 (₹1,20,000) tak ja sakte hai, jo international gigs ko unki income ka ek bohot rewarding hissa banate hai.
So How much can a Tattoo Artist earn?
Ab is sabko ek saath rakhte hai. Ek tattoo artist ki earnings unke experience, reputation, location aur kaam ke type par depend karti hai. Approximately
Beginner artists ₹3,00,000 se ₹4,00,000 per year kama sakte hai, ye depend karta hai ki wo kitne clients ke sath work karte hai aur kitni jaldi wo grow karte hai.
Mid-level artists jo clients ke sath ek steady flow maintain karte hai aur unka ek solid reputation hai, ₹6,00,000 se ₹12,00,000 annually kama sakte hai.
Top-level artists jo international exposure, celebrity clients aur ek strong social media presence rakhte hai wo ₹20,00,000 ya usse zyada annually earn karte hai.
Tattooing sirf paisa kamane ka tareeka hi nahi hai, yeh ek aisa safar hai jo passion, creativity aur clients ke sath ek deep emotional connection se bhara hota hai. Yaha earning potential high hai, par rewards sirf paiso tak limited nahi hai.
Toh, kya aap apna mark chhodne ke liye taiyaar hai?
Comentários